Udhëzues i Konfigurimit të Pronës

Çfarë do të bëjmë

Ky udhëzues ju çon hap pas hapi nëpër gjithë procesin e konfigurimit të një prone të re. Në fund do të keni:

• Pronën e krijuar dhe lidhur me Channex.io • Llojet e dhomave dhe kapacitetet e konfiguruara • Planet e çmimeve aktive • Inventarin e vendosur • Kanalet OTA (Booking.com, Airbnb etj.) të lidhura • Sistemin gati për të pranuar rezervime

Kohëzgjatja e pritshme: 30–60 minuta për konfigurimin e parë.

Hapi 1, Krijimi i Llogarisë

Shkoni te faqja kryesore e LuxHotel System dhe klikoni 'Regjistrohu'. Plotësoni formularin me:

• Emrin dhe mbiemrin tuaj • Adresën e emailit të biznesit (do të përdoret për hyrje dhe njoftimet) • Fjalëkalimin (minimum 8 karaktere)

Pas regjistrimit do të merrni një kod OTP në emailin tuaj. Vendoseni kodin për të verifikuar adresën dhe aktivizuar llogarinë.

Nëse tashmë keni llogari, kaloni direkt te Hapi 2.

Hapi 2, Shtimi i Pronës

Pasi të hyni në sistem, navigoni te 'Pronat' nga menyja anësore dhe klikoni 'Shto Pronë të Re'.

Plotësoni të dhënat bazë: • Emri i pronës (do të shfaqet te mysafirët) • Lloji i pronës (hotel, B&B, vilë, apartament etj.) • Adresa e plotë dhe qyteti • Numri i kontaktit dhe emaili i pronës • Numri i NIPT-it (nëse aplikohet për fatura)

Klikoni 'Ruaj' për të kaluar te hapi tjetër. Prona shfaqet menjëherë në listë por ende nuk është aktive deri sa të plotësohen konfigurimet.

Hapi 3, Llojet e Dhomave

Te seksioni 'Dhomat' brenda pronës, klikoni 'Shto Lloj Dhome'. Çdo lloj dhome përfaqëson një kategori (p.sh. Dhomë Standard, Suite, Apartament).

Për çdo lloj dhome vendosni: • Emrin e llojit (shfaqet te kanalet OTA) • Numrin e dhomave fizike të këtij lloji • Kapacitetin bazë dhe maksimal (të rriturit + fëmijët) • Përshkrimin e dhomës (kopjohet automatikisht te OTA-t) • Lehtësirat kryesore (Wi-Fi, TV, Ballkon, Pamje deti etj.)

Pas ruajtjes, sistemi krijon automatikisht dhomën/dhomat individuale me numra (p.sh. 101, 102, 103) bazuar në numrin e dhomave që keni vendosur.

Hapi 4, Planet e Çmimeve

Navigoni te 'Çmimet' dhe krijoni të paktën një plan çmimi bazë. Planet e çmimeve përcaktojnë kushtet e rezervimit.

Për çdo plan vendosni: • Emrin e planit (p.sh. 'Çmim Standard', 'Pa Rimbursim', 'Mëngjes Përfshirë') • Politikën e anulimit (sa ditë para mbërritjes pa penalitet) • Nëse mëngjesi është i përfshirë • Nëse është i rimbursimeve (refundable) • Çmimet bazë për sezon të ulët, mesëm dhe të lartë

Këshillë: filloni me 2–3 plane të thjeshta. Mund t'i detajizoni më vonë sipas nevojës dhe sezonalitetit.

Hapi 5, Inventari dhe Disponueshmëria

Te seksioni 'Inventari' caktoni disponueshmërinë për periudhën e ardhshme. Sistemi e menaxhon inventarin ditë-ditë.

Mundësitë: • Hapni disponueshmërinë për intervalin e dëshiruar (p.sh. 6 muajt e ardhshëm) • Vendosni çmimet ditore ose lini sistemin të llogarisë çmimet automatikisht nga plani bazë • Bllokoni datat kur prona është jashtë shërbimit (rinovim, ngjarje private etj.) duke përdorur bllokimet OOO

Inventari sinkronizohet automatikisht me kanalet OTA çdo herë që ndodh një rezervim ose ndryshim.

Hapi 6, Lidhja me Channex.io

Channex.io është channel manager-i që lidh pronën tuaj me OTA-t (Booking.com, Airbnb, Expedia etj.).

Hapat e lidhjes: 1. Shkoni te 'Kanalet' në panelin e pronës 2. Klikoni 'Lidh me Channex', sistemi hap faqen e konfigurimit 3. Vendosni API Key-in tuaj të Channex (gjendet te Channex Dashboard → Settings → API) 4. Zgjidhni pronën korresponduese nga lista e Channex-it 5. Sistemi verifikon lidhjen dhe sinkronizon llojet e dhomave

Nëse nuk keni llogari Channex, regjistrohuni fillimisht te channex.io dhe krijoni pronën atje. Pastaj kthehuni këtu për lidhjen.

Hapi 7, Aktivizimi i Kanaleve OTA

Pasi prona është e lidhur me Channex, aktivizoni kanalet OTA një nga një.

Për Booking.com: 1. Te Channex Dashboard → Channels → Booking.com 2. Vendosni Hotel ID-në tuaj të Booking.com 3. Autorizoni lidhjen nga paneli i Booking.com 4. Maponi llojet e dhomave: çdo lloj dhome i LuxHotel System duhet të lidhet me kategorinë korresponduese në Booking.com 5. Aktivizoni kanalin, rezervimet fillojnë të vijnë automatikisht

E njëjta procedurë aplikohet për Airbnb, Expedia dhe çdo OTA tjetër të mbështetur nga Channex. Secili kanal kërkon autorizim individual nga platformat përkatëse.

Hapi 8, Testimi

Përpara se të filloni të pranoni rezervime reale, bëni një test të plotë:

1. Krijoni një rezervim manual direkt nga paneli (Rezervimet → Rezervim i Ri) 2. Kontrolloni se dhoma është bllokuar në kalendar 3. Verifikoni te Channex se inventari është ulur 4. Kontrolloni te OTA nëse disponueshmëria është përditësuar 5. Anuloni rezervimin test dhe verifikoni se inventari kthehet

Nëse gjithçka funksionon, sistemi është gati. Nëse ka mospërputhje, kontrolloni mapimin e dhomave te Channex dhe sigurohuni që API Key-i është i saktë.

Hapi 9, Shtimi i Stafit

Navigoni te 'Stafi' dhe shtoni anëtarët e ekipit tuaj. Çdo anëtar ka role dhe leje specifike:

• Administrator, akses i plotë në të gjitha modulet • Recepsionist, menaxhon rezervimet, check-in/out, dhe klientët • Financier, akseson raportet dhe transaksionet financiare • Housekeeping, shikon gjendjen e dhomave (vetëm lexim)

Për çdo anëtar vendosni emrin, emailin dhe rolin. Sistemi dërgon automatikisht një email ftese me udhëzime hyrjeje. Anëtari duhet të verifikojë emailin dhe të vendosë fjalëkalimin e vet.

Lista e Kontrollit, Gati për Fillim

Konfigurimi bazë është i plotë. Kontrolloni çdo pikë përpara se të dilni live:

✓ Prona e krijuar me të dhëna të sakta ✓ Llojet e dhomave me kapacitete dhe përshkrime ✓ Të paktën një plan çmimi aktiv ✓ Inventari i hapur për 6 muajt e ardhshëm ✓ Lidhja me Channex e konfirmuar ✓ Të paktën një kanal OTA aktiv ✓ Rezervimi test i kryer dhe i verifikuar ✓ Stafi i shtuar me rolet e duhura

Për çdo pyetje ose ndihmë gjatë konfigurimit, kontaktoni ekipin tonë të mbështetjes. Ne ofrojmë sesion onboarding falas për pronaret e reja.